Ons vertrek so 9h30 by tannie Dorette hulle en is nou op pad
MAUN toe. Dis nie ver nie, so 80 km. Pieter maak die camper weer vol diesel
terwyl ek gou deur die winkels draf en sommer ook weer geld trek. Het jy geweet
daar is 3 Pep’s, Choppies, 2 Spars,
Ackermans en ‘n Shoprite in Maun en nie een van hulle verkoop voorskote
nie? Gelukkig vind ek ‘n kombuisware
winkel naby die nuwe mall en daar kry ek ‘n voorskoot. JIPPEE!!! Daar is
actually 4 om van te kies.
 |
| My nuwe voorskoot! |
Baie duidelik weet die mense van Maun meer van Fillet want
hier kos dit P115 p/kg.
Vandag kamp ons by Audi Camp. Dis ‘n pragtige kamp vol
Mopanie bome, daar is ‘n restaurant en swembad. Ons maak gebruik van hulle
wasgoeddiens teen P40 vir ‘n mandjie wasgoed. Dis heerlik om weer skoon wasgoed
te hê. Die kamp voel nogal soos die wildtuin en orals hoor jy net Afrikaans.
Ons braai die eerste van die fillet. Ek het dit in suurlemoensap, olyfolie en
knoffel laat marineer vir 24 uur. Dit is heerlik.
Kampering kos P275
No comments:
Post a Comment