Ons besluit om eers dorp toe te gaan vir aankope en dan
kampplek toe. Die omgewing lyk bekend - die bome, die wit sand en die hutte, maar
op die dorp lyk niks bekend nie.
 |
| Die B8 na Rundu vanaf Bagani |
Die hoofstraat Eugene Kakukuru is dubbelbane
en geteer, dis is nog nie ‘n verkeerslig nie – ek dink dis dalk tyd vir een.
Die strate is besig, dis die einde van die maand en dan is daar nog iewers ‘n
begrafnis. ‘n Stoet karre kom by ons verby.
 |
| Rundu se hoofstraat |
Engela het vandag in die ry weer ‘n tand gewissel en is
bekommerd oor watse geld die muis sal bring, Pulas of Dollars, want hulle dink
nie die muis sal al die pad van Suid Afrika af kom met Rande nie.
Pieter parkeer op ‘n stil plekkie, ek en Engela gaan doen
die aankope. Op die lys is natuurlik ‘n simkaart en airtime vir Namibia. Ons
het al vir ‘n paar dae nie meer internet
nie. Ek tik nog elke dag of wat aan die blog en re-size die foto’s sodat
die proses vinnger kan wees waneer ons weer op die lug is.
Ons loer in by Shoprite, maar besluit toe om Spar toe te
gaan. Dit lyk nie soos ons Spar nie. Die logo is darem dieselfde. Ek kry my
self nie so ver om vleis te koop nie. Ek dink die dik stukke goudgeel vet sit
my elke keer af. Gelukkig het ons nog I&J vis en fillet.
By die vulstasie net buite die dorp sien ek weer ‘n slaghuis
en koop toe t-bones en boerewors. Sal dit vanaand uitprobeer. Die pad na
N’kwasi toe is nie wat wonders nie – dis ook die pad na Vungu-vungu. (Daar was
altyd ‘n melkery.) Dis die breedste grondpad wat ons nog gesien het, maklik 4
bane wyd. Om die sinkplaat gedeeltes te vermy ry almal al meer aan die kant en
so word die pad wyer.
N’kwasi lodge lyk heel OK, soos al die ander plekke is dit
ook op die rivier, daar is ‘n swembad en tot die girls se vreugde 3 perde in
die tuin. Ongelukkig bied hulle nie perdryritte aan nie, maar die girls vryf en
vertroetel die een makperd ( Goodman, ek
dink) die res van die dag.
Die T-bones was toe heerlik, seker 3cm dik met ‘n smal lagie
spierwit vet. Die boerewors braai ons vir ontbyt môre-oggend. Die een T-bone is
genoeg vir die 4 van ons en die ander een bêre ons vir middagete op pad.
 |
| Die tandemuis van Namibia het ND20 gebring |
No comments:
Post a Comment